2 ottobre 2021 - Gimcanakids.

Il nostro presidente Marco Scarpa ha ricevuto un messaggio da una cara amica.

Buongiorno sono la Giancarla, ea mama de Maicool, savè no?!
No ghe gero ieri ma voevo tanto ringraziarve per ea bea giornada che gà passà me fio, se gà divertio da far spavento.
Ma par davero!!!
El se tornà a casa tutto ingaonà e bombo da struco, roba che ciapa na maora.
Adesso el vol ea bici mimortisada, col teescopio (cosa ghe serve veder e stee in bici, no capiso) e senti questa, coe rode grasse, ma se tuti vol dimagrir a stò mondo?!
Speta, el vol anca ea maieta dea Zonin Tim, no ghe gavarè miga da da bever?
Scusate, chiedo venia, è scritto Zohan Team, un'altra parrocchia.
Varemengo anca i orbi.
Certo che me fio se proprio bravo, ghe gavè da anca el diploma!
Saria ea prima volta par iu, se ga parfin emosionà.
Se poso darve un consiglio, oto panini e un litro e meso de cocacoa a testa me par un fià masa come merendina, esagerati!
Maicool ha detto che gli piacerebbe tanto rivedervi e condividere ancora una giornata così speciale all'insegna della coinvolgente allegria e sano sport all'aperto. (mària che ben che el parla me fio!). Anca mi me piasaria vederve.
Ma cosa gavè capio?
Par ringrasiarve! Maisiosi!
Comunque go già visto dee vostre foto su feisbuc; si dai, carini!